اكلات رمضان

تجهيزاتكم شنو لرمضان اي استشاره انا جاهزه خصوصا انا المره الوحيده بينكم للان احم احم نسبه لانو المنتدي جديد وكدا يعني يعني تقليه نعيميه فطاير ومعجنات اي شي نحنا في الخدمه

يعني رمضان وصل؟؟؟
ما بتشهدو الزول اصلو

ياريت نعرف مقادير ( التقلية )

مرحب بيك ياهشام خليفه ليك ولي كل محبي التقليه المقادير كالاتي طماطم
بصله محمره
لحمه مفرومه
توم
صلصه
ملح وبهارات
واهم شي الويكه وهي عباره عن باميه مجففه ومسحونه
نجيب الطماطم والبصله والتوم ونخلطم مع بعض في الخلاط بشويه مويه ونختهم علي طرف
ندوب اللحمه بالمويه ونديها شويه نار وشويه زيت بعد كدا نضيف الحاجات الخلطناها للحمه ونضيف البهارات والملح ونخفض النار شديييييد ونخليهم لحدي مايقلي الخليط بعد كدا نضيف الويكه ونفركها كويس انا شخصيا بشتغل بمرضب الكهربا ونخليهم لمده خمس دقائق وبكدا تكون جاهزه واهم شي القراصه وفي ناس بياكلوها بالعصيده لكن بالقراصه رهيييييبه وبالهنا

يا ناس مطبخ رمضان تحياتنا
كدي بالله ادونا وصفات فطور كااااااااااااامل
من البليلة (والبليلة دي ياريت تكون حنيطير )
مرورا بي سلطة الروب والاهم الشوربات (تكون كم خيار)
النعيمية والرتوش التانية

اي شي موجود الا حنيطير دي مابعرف اسويها

اصل المثل ( المشتهي الحنيطير يطير ) ده جاء من وين يا ناس مطبخ رمضان

واللة يا عربى لو الشايفة عينى دة شغلك فى المطبخ احسن وظيفة ليك طباخ
احسن تكتب لينا الأسامى عشان نفرز التحلية من العضة واللة المستعان
الظاهر ناس الأمارات مطورين شوية

هيام النور الشفيع كتب:

اي شي موجود الا حنيطير دي مابعرف اسويها

عجيب يا ود العربى ايش حنيطير ولا اقولك اسالى انكل عادل تحياتى بت الشفيع ورمضان كريم

سلام عليكم اعضاء المنتدي اعتذر لغيابي فترة من الزمن وعدم مشاركتي في هذه المواضيع الرائعه نسبه لظروف خارجة عن الاراده واتمنى منكم التواصل والدعاء لي بان اضع مولودي الجديد بالعافية والسلامة حيث انه علي مشارف الوصول وشكرا

مرحب بت النور وكل عام وانتى والاسره بخير (وربنا يحلك بالسلامة )

يعنى ياهيام كان اتربيتى فى معتوق كان عرفتى ام تكشو ولسان الطير

شكرا ياشباب ونتواصل عيد الضحية السنة دى كيف فى خرفان