ركن الزكريات

التحية موصولة للجميع وكل سنة وانتو طيبين
نرجع لموضوع الذكريات باللة العندوا زكرى عن الهلأك يتحفنا
او بعض الحكاوى القديمة او الجديدة
اهة ياناس الحلة ام شجر دة طبعا لقب معتوق
عمنا ابراهيم ود الأميت كان فى لجنة الجامع يوم وقف بعد خطبة الجمعة
اللغة السائدة العربية الفصحى فى الجامع وحديثة عن التبرعات لشراء سجاد للجامع اعتلى المنبر وقال اى قروش الأيام دة تجينا بنحاول نتلأشاها عشان نشترى السجاد
احمد قيامة غلبة الضحك قام انفقع مافى ذول عارف لية

مرحبااااااا العزيز / معاوية و كل عام و انت بخير و مبارك عليك العيد و كيف اخبارك . و عن جد ذكريات جميلة

تشكر حيكون هنالك المذيد من الذبدة دة بس عايزين تشجيع من العضوية الشباب كسلانين شوية
وينكم وين مساهماتكم مافى اى حرج اى موضوع لايخدش احد مقبول مافى داعى للتوجس اكتبوا ياشباب اى حاجة مثلا حاجة

,قال الاخ هشام خليفة ان الشباب كسلان لا والله ما كسلان لكن المشاغل كثيرة . والطرائف كثيرة لاليها حد لاعد واشهد عليها الاخ معاوية .كطرفة معاوية مع بت مساعد وكانت مولعة فل وقام حيدر ود ابو دقل والمرحوم اللغا(الله ارحمه اغفر له) شالوا معاوية من كرعيهو ويديهو ورمو ا في بت مساعد طبعا بلهجتها العروفة قالت:-كمان بقيت ترموا لي الرمم
والطرائف كثيرة والاخ معاوية ملم بكثير منها ولو تكرم ان يسرد منها لانه ذاكرة سعتها عالية(1200GEG BAIT)

طبعا عبد الله نسيب ود المذقذق بيقولو ليه قله فكان فى يوم موقف عربيتو وقافله الشارع بتاع ناس محى الدين الحلبى جاء دقه الباب جاتو مرت ودالمذقذق قال ليها قولى للذير اجى احرك العربيه قالت ليه اسمو قله ما ذير قال ليها قله ولا ذير كلو فخااااااااااااااار